Португалскиот репрезентативец Нуно Мендеш поради повреда го заврши учеството на Светското првенство во Катар. Тој се повреди во 42. минута од натпреварот против Уругвај, кога Португалците обезбедија пласман во осминафиналето.
Мендеш во солзи го напушти теренот, а медиумите во Лисабон објавија дека се работи за повреда на бутниот мускул.
Левиот бек на Пари Сен Жермен имаше и проблем со повреда на тетивата пред почетокот на турнирот, поради што не беше вклучен во воведниот меч против Гана.
Португалија во последното коло од групната фаза утре ќе игра против Јужна Кореја.
