Додека трае Мундијалот, за некои лиги нема пауза, особено за пониските, како што е случајот со турскитe второлигаши, од каде денеска доаѓаат грозоморни сцени, по што е прекинат мечот Гезтепе – Алтај.
Се започна кога меѓу навивачите на Гезтепе беше фрлен факел од навивач на Алтај, а потоа еден од навивачите истрча на теренот и со корнер знаменце го претепа голманот на Алтај, Озан Гувенц.
Еден од навивачите на домашната екипа е тешко повреден откако бил погоден од факел, па под трибината веднаш биле испратени две амбулантни возила, а на местото бил и голманот Гувенц.
Навивачот истрча на теренот, го зеде корнер знаменцето и неколку пати сериозно го удри голманот, по што веднаш беше уапсен од полицијата.
