Белгија не игра добро на Мундијалот во Катар. Се извлече на дуелот со Канада и победи со 1-0, но не успеа против Мароко и загуби со 0-2. Сега во прашање е доведен и пласманот на „црвените ѓаволи“ во нокаут фазата.
Хаким Зијеч постигна гол на крајот од првото полувреме, но не беше признат со асистенција на ВАР-собата.
Сепак, во вториот дел Мароканците си го земаа тоа што го заслужија. Абделхамид Сабири во 73.минута го доведе својот тим во водство, а во завршницата Закарија Абуклал го потврди триумфот (0-2).
