Светскиот првак Франција е првата селекција која успеа да обезбеди пласман во осминафиналето на Мундијалот. „Триколорите“ ја остварија втората победа, ја совладаа Данска со 2-1 и со шест бода се на врвот на табелата во групата Д.
Килијан Мбапе потврди дека е играч за големи натпревари и со два гола на урна Данска.
Тој го отвори резултатот во корист на Франција во 61.минута. Сепак, Данците се вратија во мечот седум минути подоцна кога Кристенсен погоди за 1-1.
Но, Мбапе е незадржлив, ја искористи асистенцијата на Гризман во 86.минута и донесе втор триумф за Французите на Светското првенство во Катар.
