Саудиска Арабија сензационално ја победи Аргентина со 2-1 во првото коло на Светското првенство. Во сабота од 14 часот, Саудијците играат против Полска и во случај на победа можат да се доближат до пласман во осминафиналето, што би била апсолутна сензација на Мундијалот бидејќи сите предвидуваа рана елиминација на Саудијците.
Саудиските медиуми пишуваат дека нивните репрезентативци ќе бидат богато наградени за победата над Аргентина.
Кралското семејство ќе ја испочитува победата против фаворитите на турнирот со тоа што на секој играч ќе му подари автомобил Ролс Ројс Фантом, најави саудискиот принц Мохамед бин Салман.
Станува збор за најевтиниот модел на Ролс Ројс од сите произведени во 2022 година. Овој автомобил чини 450.000 евра.
