Њукасл е подготвен да испрати нова понуда за крилниот напаѓач на Атлетико Мадрид, Јаник Фереира Караско. Белгиецот долго време е желба на клубот со најбогати сопственици во Премиер-лигата. Тие го посакуваа и минатото лето, но тогаш Шпанците одбија да преговараат за евентуален трансфер. Сепак, на „Сент Џејмс Парк“ не се откажаа од идејата да го привлечат играчот и подготвуваат нова офанзива за јануари, тврди „Мундо Депортиво“.
Приоритет во зимската селекција на Њукасл ќе биде доведување на крилен напаѓач. Клубот претпочита искусно и докажано име, а токму таков е 29-годишниот Караско. Договорот на Белгиецот истекува во летото 2024 година, што може да ги олесни преговорите.
Караско се врати во Атлетико Мадрид во 2020 година по краток престој во Кина. И оваа сезона тој беше важна фигура во тимот на Диего Симеоне, со 18 настапи, два гола и две асистенции во сите натпреварувања. Се претпоставува дека Атлетико Мадрид за него ќе бара 40 милиони евра.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski