Роберто Фирмино не влезе во составот на Бразил за Мундијалот во Катар

Напаѓачот на Ливерпул, Роберто Фирмино, ќе го пропушти Светското првенство откако селекторот на Бразил, Тите, го изостави од неговиот последен состав од 26 играчи. Според бразилските медиуми, наместо него во последен момент шанса добил играчот на Арсенал, Габриел Мартинели.

Место во селекцијата најде и 39-годишниот Дани Алвеш кој моментно настапува во Мексико.

Во Катар, „кариоките“ се во група со Швајцарија, Камерун и со Србија.