Александар Васоски заминува од тренерската позиција во Академија Пандев. Тој поднесе неотповиклива оставка по денешниот пораз (0-2) од Работнички во 13.коло од Првата фудбалска лига. Тој дојде на местото на Ѓорѓе Стојчев, но не успеа да го подигне тимот на Академија Пандев кој бележи порази во елитата.
„Пандевци“ не забележаа ниту една победа на последните пет натпревари на кои Васоски го предводеше тимот. Академија Пандев се наоѓа на претпоследната десетта позиција на табелата со само осум освоени бода.
