Претседателот на Барселона, Хоан Лапорта, доби смешна казна за неговото влегување во судиската соба после Ел Класико на „Сантијаго Бернабеу“ изминатиот викенд. Ќе треба да плати скромни 150 евра.
Барса го загуби дерби натпреварот со 3-1, а Лапорта упадна и побара објаснување од Хозе Марија Санчез Мартинез, кој го судеше натпреварот, за неговите одлуки во текот на мечот.
Каталонците побараа да не бидат казнети, бидејќи посетата на Лапорта не била во „знак на протест“, туку за „да го дознае мислењето на судијата за неговите одлуки“.
