Десниот бек на Челси и репрезентативец на Англија, Рис Џејмс, се соочува со посериозна повреда поради која ќе го пропушти Светското првенство во Катар. Тој се повреди на дуелот против против Милан во Лигата на шампионите.
Според информациите од Островот, Рис Џејмс ќе мора да паузира до декември и нема да може да биде дел од селекцијата на гордиот Албион на Мундијалот.
Рис Џејмс е еден од најдобрите фудбалери на својата позиција и неговото отсуство сигурно ќе претставува голем проблем и за Челси и за репрезентацијата на Англија.
