Поранешниот менаџер на Вулверхемптон, Нуно Еспирито Санто, би можел да се врати во клубот по 17 месеци откако замина. Португалецот е еден од неколкуте кандидати со кои раководството на клубот преговара за можноста еден од нив да го наследи отпуштениот Бруно Лаге.
Фаворит за оваа позиција беше поранешниот тренер на Севилја, Хулен Лопетеги, но тој веќе го одби Вулверхемптон со образложение дека сака да посвети повеќе време на семејството.
Нуно Еспирито Санто, кој е без работа откако беше отпуштен од Тотенхем минатата сезона, сака да се врати, но сака повеќе детали од раководството за нивните планови за развој на проектот.
