Аргентинскиот интернационалец Анхел Ди Марија, ќе отсуствува од терените околу три седмици поради повреда на тетивата, соопшти денеска Јувентус.
Од прегледите било откриено дека се работи за мало оштетување на тетивата на десната нога и дека на фудбалерот ќе му требаат околу 20 дена да се опорави.
Ди Марија се повреди во вторникот на натпреварот против Макаби Хаифа (0-2) во Лигата на шампионите. Се очекува да се опорави навреме и да биде во составот за Светското првенство во Катар кое започнува на 20 ноември.
Аргентина ќе игра во групата Ц со Саудиска Арабија, Мексико и со Полска.
