Ѕвездата на ПСЖ, Килијан Мбапе, е незадоволен во францускиот клуб и побарал да си замине од клубот во јануари, тврди француското радио „РМЦ“. Тој пред потписот на новиот договор кој има важност до 2024 година, добил уверување дека клубот ќе исполни одредени ветувања кон него, но досега не ги исполнил.
Сепак, раководството на ПСЖ нема намера да му дозволи на Мбапе да си замине од „Паркот на принцовите“ пред истекот на договорот. Посебно не во Реал Мадрид, кој беше најзаинтересиран за него се додека не одлучи да остане во Париз.
За Мбапе имаше интерес и од Ливерпул.
