Трансферниот период во Европа се затвори пред неполн месец, но водечките клубови од Стариот континент веќе активно работат на својата зимска селекција. Лидерот во Премиер – лигата, Арсенал, не е исклучок.
„Топчиите“ се заинтересирани за крилниот напаѓач на Ајнтрахт Франкфурт, Јеспер Линдстром, а според „Билд“, претставниците на клубот веќе стапиле во контакт со агентите на 22-годишниот дански интернационалец.
Ајнтрахт го купи Линдстром во летото 2021 година од Брондби за 7 милиони евра. Младиот фудбалер имаше подеми и падови во своите настапи, завршувајќи ја дебитантската сезона во Бундес – лигата со пет гола и четири асистенции. Тековната сезона започна многу квалитетно за него и се верува дека Арсенал ќе упати конкретна понуда во јануари. Се споменува сума од 20 милиони евра.
Линдстром е јуниор на Брондби и дебитираше за тимот во 2019 година. Со својот матичен клуб стана шампион на Данска во сезоната 2020/21, по што дојде неговиот трансфер во Германија.
Офанзивниот фудбалер веќе е дел од репрезентацијата на својата земја, но не беше во составот за ЕВРО 2020 година.
