Репрезентацијата на собир: Да и вратиме на Грузија и да ја победиме Бугарија (ФОТО)

Фудбалската репрезентација на Македонија го одржа првиот тренинг откако селекторот Благоја Милевски денеска ги собра фудбалерите за последните два натпревари од тековниот циклус во Лигата на нации. „Црвено-жолтите“ в петок ќе играат против Грузија во Тбилиси, а три дена подоцна во Скопје следи и дуелот со Бугарија.

Иако ослабени, без капитенот Стефан Ристовски, без Дарко Чурлинов и без Валон Етеми, сепак, фудбалерите се оптимисти дека може позитивно да се заокружи овој циклус. Целта е јасна, да и вратиме на Грузија за поразот во Скопје, но и да ја победиме Бугарија која ни се извлече на првиот дуел во Разград.

Фото: ФФМ