Селекторот на фудбалската репрезентација на Македонија, Благоја Милевски, упати дополнителен повик за фудбалерот на Шкендија, Егзон Бејтулаи. Тој денеска веднаш ќе се приклучи на собирот на националниот тим, во пресрет на мечевите од Лигата на нации против Грузија и против Бугарија.
Ова откако капитенот Стефан Ристовски нема да може да настапи поради повреда на тетивата, а надвор од комбинација е и офанзивецот на Истанбулспор, Валон Етеми.
Од претходно бепе познато дека и Дарко Чурлинов ќе го пропушти овој циклус со оглед дека поради повреда ќе мора да паузира два месеци.
