Фудбалската репрезентација на Македонија утре ќе го има првиот собир во пресрет на последните два натпревари од третото издание на Лигата на нациите. Можно е селекторот Благоја Милевски да го нема на располагање и капитенот Стефан Ристовски. Тој е неизвесен со оглед дека не настапи денеска за Динамо Загреб на мечот против Локомотива Загреб.
„Стефан Ристовски има проблеми со тетивата на ногата, повреда за која е потребна пауза“, изјави тренерот на Динамо, Анте Чачиќ.
Од претходно беше јасно дека Дарко Чурлинов нема да дојде поради повреда, а неизвесен е исто така и Валон Етеми.
