Скопје и Брегалница со реми без голови го заокружија последниот натпревар од осмото коло во Првата фудбалска лига. Многу борба, желба за успех, но и нервоза, а малку квалитетен фудбал на „Автокоманда“. На крајот, 0-0 и по еден бод за двете екипи.
Немаше посериозни шанси, а и двата тима останаа со фудбалер помалку во текот на мечот. Даниел Мојсов заработи црвен картон во редовите на Брегалница во 69.минута, а во финишот беше исклучен и Благоја Тодоровски од составот на Скопје.
