Францускиот интернационалец Нголо Канте ја одбил новата понуда на Челси за продолжување на соработката. Тој влезе во последната година од договорот, а Челси би сакал да го задржи, но засега безуспешно.
Челси на Канте му понудил двегодишен договор со опција за продолжување на уште една сезона, додека Французинот сака тригодишен договор.
Медиумите на Островот тврдат дека Канте сака да ја заврши кариерата во Челси и дека преговорите ќе се водат и во наредните месеци.
Французинот пристигна од Лестер летото 2016 година и со Челси има титули во Премиер – лигата и во Лигата на шампионите.
