Досегашниот фудбалер на Брајтон, Грем Потер, предмалку и официјално беше потврден за нов менаџер на Челси, само неколку дена откако новиот американски сопственик на лондонскиот клуб Тод Боли му даде отказ на Томас Тухел по поразот од Динамо Загреб во Лигата на шампионите. Се проценува дека Челси платил отштета повеќе од 20 милиони фунти на Брајтон за Потер и за неговиот стручен штаб.
Брајтон сега ќе почне да ја бара замената за Потер, но до нивниот следен натпревар против Борнмут има само 24 часа.
Раководството на клубот затоа одлучи утре тимот од клупата да го предводи Адам Лалана, 34-годишен играч од средниот ред и поранешен англиски репрезентативец. Лалана на тој начин ќе има неочекувано тренерско деби во кое ќе му помага тренерот на младинскиот тим, четири години постариот Ендрју Крофтс.
Лалана моментно се опоравува од повредата на потколеницата поради која не настапи на првите три натпревари на Брајтон во Премиер – лигата оваа сезона.
Се очекува Лалана и Крофтс да бидат само привремено решение додека не биде пронајден наследникот на Грем Потер.
