Македонскиот првак Шкупи е во голема резултатска криза, со оглед дека загуби убедливо од Тиквеш (3-1) во одложениот првенствен меч од првото коло. Очигледно дека турбуленциите во клубот влијаат и на тимот, кој денеска го предводеше Тони Мегленски.
Нашаѓачот Барга Нгоба во 23.минута донесе предност, а пет минути подоцна уште еднаш ја затресе мрежата на Шкупи.
На стартот на вториот дел, Нгоба комплетираше хет – трик и беше јасно дека бодовите ќе останат во Кавадарци. Шкупи остана и со фудбалер помалку, но постигна еден погодок преку Реналдо Цефас.
За Тиквеш ова е втора победа во новата сезона.
