Александар Васоски официјално се врати на кормилото на Академија Пандев

Македонскиот прволигаш Академија Пандев го именува Александар Васоски за нов шеф на стручниот штаб. Тој се враќа во струмичкиот прволигаш каде имаше одлични резултати во првиот дел од ланската сезона, а потоа замина во ФК Сараево.

Сега патиштата повторно им се споија и Васоски се враќа во Струмица, откако клубот претходно се раздели со Ѓорѓе Стојчев по лошиот старт на сезоната.