Аргентинскиот интернационалец Анхел ди Марија нема да биде во тимот на Јувентус за утрешното гостување против ПСЖ, неговиот поранешен тим, на стартот на новото издание во Лигата на шампионите. Тој нема да се врати да заигра на „Паркот на принцовите“, но овојпат во дресот на „старата дама“.
Ди Марија повторно се пожалил на болка во повредениот мускул што го мачи подолго време. Тој утрово се обидел да тренира, но лекарскиот тим на Јувентус проценил дека со него не треба да се ризикува.
Тренерот на Јуветус, Масимилијано Алегри, не може да смета и на првиот голман Војчех Шесни и на Пол Погба.
