Трансферот на крилниот напаѓач на Ајакс, Антони, во Манчестер Јунајтед е прашање на време. Според медиумите на Островот, во секој момент 20-кратниот шампион на Англија ќе ја даде својата последна понуда, која најверојатно ќе биде прифатена од холандскиот шампион.
Сумата ќе ја достигне границата од 80 милиони фунти. Тоа значи дека уште едно лето Манчестер Јунајтед ќе потроши над 200 милиони фунти на селекција. Досега „црвените ѓаволи“ потпишаа со Лисандро Мартинез (Ајакс) за 48,3 милиони фунти, Тајрел Маласија (Феенорд) за 12,9 милиони фунти и Кашемиро за 60 милиони фунти. Кристијан Ериксен пристигна на „Олд Трафорд“ како слободен играч.
Антони веќе достави барање за трансфер и дури почна да бара вила во Манчестер. Се вели дека Бразилецот веќе договорил петгодишен договор со Јунајтед. Ајакс се обидува да го врати Хаким Зијеч од Челси на местото на Антони.
