Работнички стигна до првата победа под раководство на тренерот Баже Лазаревски. Славеше против Шкупи на Чаир со 1-2, со головите на Оливер Пеев и на Баже Илијоски. Овој триумф му го донесе и епитетот тренер на колото на Баже Лазаревски, во изборот на МАКФУДБАЛ.
Сега шефот на стручниот штаб бара тимот да влезе и во победничка серија.
„Ова е важен триумф за нас и големи три бода. Но, не сакаме да сопреме тука и треба да влеземе во победничка серија. Сега не очекува исто така значаен меч против Ренова. Сакам да им честитам на фудбалерите за одличната претстава, не потклекнавме ниту по водечкиот гол на Шкупи. Се вративме посилни во вториот дел и стигнавме до триумф. Овој Работнички има квалитет, потребно беше само да се врати самодовербата кај фудбалерите“, изјави шефот на стручниот штаб, Баже Лазаревски, за официјалниот сајт на клубот.
Работнички по 27 кола се наоѓа на петтата позиција на табелата со 36 бода.
