Сосема очекувано Македонија ЃП и Академија Пандев ја одбранија предноста од првите полуфинални натпревари во Купот на Македонија, па со нови победи против Беласица односно Победа обезбедија пласман во големото финале кое се игра следниот месец.
„Лавовите“ и вторпат дојдоа до идентична победа од 1-0, овој пат на стадионот во Ѓорче Петров славејќи со автоголот на Ѓорѓе Џонов во 54. минута од средбата.
Академија Пандев, пак, со пресврт дојде и до втора победа од 1-3 (по онаа првата од идентични 3-1) против Победа. По првото полувреме прилепчани имаа предност од 1-0 со голот на Антонио Каланоски уште од 3. минута, но во вториот дел три погодоци на струмичани за пласман во големото финале.
КУП НА МАКЕДОНИЈА – ПОЛУФИНАЛЕ (реванш натпревари)
Победа – АКАДЕМИЈА ПАНДЕВ 1-3 (1-3)
МАКЕДОНИЈА ЃП – Беласица 1-0 (1-0)
* Во заградите се резултатите од првите натпревари
