Шкупи против Силекс денеска од 16 часот во 28. коло од Првата македонска фудбалска лига во акција за конечен крај на низата од пет порази во шампионатот.
Никако да се стави точка на резултатската криза на чаирчани кои нагласуваат дека сега мора да се дојде до триумфот против Силекс. Но и за кратовци бодовите се повеќе од неопходни во битката за опстанок.
„Одиме на меч против ранет лав, затоа тоа е натпревар со две острици. Шкупи е квалитетен тим, тешко е да се игра против нив, посебно на Чаир каде што секогаш имаат по 3.000 навивачи. Минатиот меч водевме со нив 2-0, но на крајот дуелот заврши 2-2. Посакувам добар меч, убав фудбал и нека победи подобриот“ – вели шефот на стручниот штаб на Силекс, Момчило Митевски кој знае дека тимот го очекува уште долга битка за опстанок.
„Треба да играме уште еден меч со Беласица дома до крајот на првенството. Се надевам дека сите натпревари ќе имаат фер и коректно судење“ – додава Митевски.
ПМФЛ – 28. КОЛО (денеска, 16 ч.)
Скопје: ВАРДАР – ШКЕНДИЈА
Тетово: РЕНОВА – РАБОТНИЧКИ
Струмица: БЕЛАСИЦА – ПОБЕДА
Скопје: ШКУПИ – СИЛЕКС
Скопје: МАКЕДОНИЈА ЃП – АКАДЕМИЈА ПАНДЕВ
Standings provided by Sofascore LiveScore
