Ѓоко Хаџиевски од денеска повеќе не е шеф на стручниот штаб на Беласица откако трофејниот стратег реши да се повлече од функцијата, псотигнувајќи заднички договор со управата на струмичани за предвремен раскин на договорот. Беласица на последните две домашни средби против Силекс и Победа освои само еден бод, компликувајќи си ја битката за опстанок, по што следеше и заминувањето на Хаџиевски.
„Мислам дека после овие два натпревари во кои не успеавме да победиме, не можам повеќе да придонесам за целите на Беласица во оваа сезона. Затоа во договор со сопственикот решив да се повлечам од тренерската позиција и комплетно од клубот. Беласица се уште има реални шанси за да обезбеди опстанок, можеби оваа промена ќе придонесе тимот малку да се размрда во позитивна насока“, изјави Ѓоко Хаџиевски.
Беласица се наоѓа на претпоследната позиција на табелата со 24 бода, четири помалку од Силекс, кој се наоѓа на местото кое носи бараж за опстанок во елитата.
