Марк Кукуреља е нов играч на Челси. Потпиша договор до 2028 година и стана новиот најскап лев бек во светот. Челси за него на Брајтон му плати 55 милиони фунти, а дополни 7 милиони се врзани со бонуси.
Покрај парите за Кукуреља, Брајтон го доби и 19-годишниот дефанзивец Ливај Колвел од Челси на едногодишна позајмица, без опција да биде купен.
„Многу сум возбуден и едвај чекам да истрчам пред фановите на „Стемфорд бриџ“, изјави Марк Кукуреља.
Тој беше голема желба и на Пеп Гвардиола, но Манчестер Сити се откажа од преговорите откако Брајтон постави висока сума за отштета.
