Македонскиот репрезентативец Езгјан Алиоски го раскина договорот со Ал Ахли откако клубот испадна од елитата на Саудиска Арабија. Сега левиот бек има отворен пат за преговори и потпис со турскиот шампион Трабзонспор како слободен агент.
Преговорите меѓу Алиоски и Трабзон траат веќе еден месец, а турскиот клуб инсистира македонскиот ас да пристигне во клубот и да го засили за настапите во Лигата на шампионите.
Овој клуб достави понуда за Алиоски и минатото лето, кога тој го напушташе Лидс Јунајтед. Тогаш сепак ја одбра финансиски подобрата понуда од Ал Ахли.
