Несторовски на преговори со Калјари

Македонскиот интернационалец Илија Несторовски отпочна преговори со Калјари, тимот кој испадна од Серија А минатата сезона. Раководството на овој клуб бара искусни фудбалери кои би можеле експресно да го вратат тимот во елитата.

Несторовски е слободен играч откако му истече договорот со Удинезе и најверојатно ќе продолжи да игра во Италија.

За него е заинтересиран и Лече, а постои можност да се врати и во Палермо, каде настапуваше во минатото. Овој клуб исто така сега е во Серија Б.