Францускиот првак Пари Сен Жермен се договори со Кристоф Галтие за двегодишна соработка, со опција и за трета дополнителна сезона доколку двете страни бидат задоволни од поминатиот заеднички период. Тој и дефинитивно ќе седне на клупата на „светците“ од следната сезона, а ќе заработува помалку од тоа што го добиваше Маурисио Покетино.
Но, пред да биде именуван Галтие за нов тренер, ПСЖ мора да се раздели официјално со Маурисио Покетино и со членовите на неговиот стручен штаб. Аргентинскиот стратег треба да добие околу 15 милиони евра отштета за предвремен раскин на договорот.
