Македонскиот репрезентативец Енис Барди е на заслужен летен одмор, но неговите агенти преговараат за евентуален трансфер. Тој многу веројатно ќе го напушти Леванте ова лето, откако тимот испадна од шпанската елита, а за него најзаинтересирана е Алмерија.
Преговорите се влезени во завршна фаза, а Алмерија за овој трансфер ќе треба да плати околу 6 милиони евра.
За Барди постои интерес и од Бетис, но и од грчкиот гигант Олимпијакос. Сепак, фудбалерот би сакал да остане во Шпанија со оглед дека веќе е навикнат на стилот на игра во Ла Лига.
