Тренерот на Интер, Симоне Инзаги го прифати предлогот на раководството на клубот за нов договор. Двете страни ќе се обврзат на соработка до 2024 година.
Инзаги дојде на кормилото на „нероаѕурите“ пред почетокот на минатата сезона и успеа да освои два трофеи, Купот на Италија и Суперкупот. Сепак, неговиот тим не ја прослави шампионската титула, завршувајќи два бода зад градскиот ривал Милан во Серија А.
Новиот договор со Интер на Симоне Инзаги ќе му донесе зголемување на платата. Тој моментно заработува 4 милиони евра годишно, но неговата плата ќе скокне на 5,5 милиони евра.
