Легендата на италијанскиот фудбал Андреа Пирло и официјално е назначен за тренер на турскиот прволигаш Караѓумрук. Договорот е потпишан на една сезона, а за 43-годишниот Пирло ова е втор обид да направи пробив во тренерската професија, откако помина една сезона на чело на Јувентус (2020/21).
Како фудбалер, Пирло има 116 натпревари и 13 гола за италијанската репрезентација и е шампион од Светското првенство во Германија во 2006 година. На клупско ниво тој имаше голем број успеси, носејќи ги дресовите на Бреша, Интер, Реџина, Милан, Јувентус и на Њујорк Сити.
