После 15 години, Марсело го напушта Реал Мадрид. За разлика од Лука Модриќ, тој со 34 години веќе не ги исполнува високите критериуми на Реал и се разделува како слободен играч со клубот во кој дојде како тинејџер од Бразил. Се уште не е познато каде Марсело ќе ја продолжи кариерата, но познато е дека Реал достојно ќе се збогува со него.
„Кралскиот клуб“ соопшти дека во понеделник во 13 часот ќе одржат официјално збогување со легендата и церемонија на која ќе му оддадат почит, по што за последен пат ќе се обрати до медиумите како играч на Реал Мадрид. Церемонијата ќе ја води претседателот Флорентино Перез.
Марсело дојде во Реал во 2007 година од Флуминенсе и постигна 38 гола и забележа 103 асистенции на 545 натпревари. Тој освои 25 трофеи, од кои шест титули на Шпанија, пет европски титули и четири светски клупски титули.
