Англискиот премиерлигаш Њукасл е заинтересиран за данскиот интернационалец Кристијан Ериксен кој минатата полусезона ја одигра во дресот на Брентфорд. Раководството на еден од најбогатите клубови во светот, му испратило бланко чек на Ериксен и воопшто не прашува за пари, туку само сака да го има Данецот во тимот за наредната сезона.
Тој е слободен играч, но се уште размислува дали да остане барем уште една сезона во Брентфорд, клубот кој му подаде рака да се врати на големата сцена по немислите сцени и преживеаниот срцев удар на Европското првенство.
Ериксен мораше да паузира, му беше вграден дефибрилатор, а поради тоа мораше да ја напушти Италија, со оглед дека во Серија А се забранети настапи за фудбалери кои имаат срцеви проблеми.
