Францускиот првак Пари Сен Жермен успеа да го задржи Килијан Мбапе и во следните три години, но откако ќе именува нов тренер на местото на Маурисио Покетино, ќе тргне и во офанзива по нови засилувања. Планирани се три супер ѕвезди, две од Италија и една од Германија.
Раководството на “светците” е подготвено да инвестира околу 250 милиони евра и да го засили тимот во сите линии.
Калиду Кулибали од Наполи треба да биде нова инвестиција во одбраната, а Сергеј Милинковиќ – Савиќ треба да го освежи средниот ред. За ново име во нападот е планиран Нкунку од Лајпциг.
