Поранешниот бразилски репрезентативец Роналдо Луис Назарио дa Лима, познат и како Феномен, се наоѓа пред сериозен предизвик. Тој ќе го вози со велосипед растојанието од Валјадолид до Сантијаго де Компостела, кое е околу 450 километри.
Роналдо во 2018 година купи 51 отсто од акциите на Валјадолид, а по испаѓањето на тимот од Ла Лига минатата сезона вети дека доколку се врати во елитата ќе мине по патеката на Камино де Сантијаго.
„Ветив дека ќе го сторам тоа ако се вратиме во Ла Лига. Бидејќи не можам да трчам, тоа ќе го сторам со велосипед. Ќе биде одлично. Знам дека ќе патам, но впечатоците ќе останат незаборавни“, изјави Роналдо.
