Макфудбал во Разград,
Фудбалската репрезентација на Македонија ремизираше 1-1 против Бугарија во Разград. Стрелецот на голот за нашиот национален тим, Милан Ристовски, вели дека реализацијата сепак не беше на потребното ниво.
„Бевме подобри, но примивме гол, а пото успеавме да се вратиме во игра на почетокот на второто полувреме. Верувавме дека можеме и до триумф, создадовме и шанси, но не ги реализиравме. Ова не беше наш најдобар ден, но и така можевме да дојдеме до победа. Сепак, бод е добар за старт, одиме понатаму и се надеваме дека ќе имаме успеси на наредните натпревари“, изјави Милан Ристовски.
