Фудбалската репрезентација на Македонија ќе подели премија од 500.000 евра доколку успее да го освои првото место во групата од Лигата на нации. Ова е наградата што ја одреди ФФМ како мотивација за македонските фудбалски репрезентативци да приредат нови радосни моменти на следните натпревари.
Новото издание во Лигата на нации за нашиот национален тим стартува утре (18 часот) во Разград со натпреварот на гости против Бугарија. Во групата се уште и селекциите на Грузија и на Гибралтар.
После утрешниот меч против Бугарија, македонските фудбалери патуваат за Гибралтар каде ќе го имаат следниот предизвик, а потоа на програмата се два натпревари дома, против Грузија (9.јуни) и против Гибралтар (12.јуни).
