Неизвесноста околу одлуката на Килијан Мбапе за тоа каде ќе ја продолжи кариерата го достигна зенитот, па иако претходно во Реал Мадрид беа сигурни дека ќе пристигне на „Сантијаго Бернабеу“, сега постои се поголема можност тој да остане и во Париз. Најава за тоа можеби е и доаѓањето на катарскиот емир Тамим бин Хамад Ал Тани, кој лично ќе дојде во Париз за да го убеди Мбапе да остане во ПСЖ, но и Зинедин Зидан да седне на клупата на тимот за следната сезона.
Сепак, Флорентино Перез, како што откриваат шпанските медиуми, е подготвен и за ваква опција и веќе има подготвено „план Б“. Доколку Мбапе не дојде во Реал Мадрид, тогаш претседателот на „кралскиот клуб“ ќе тргне по напаѓачкиот тандем на Ливерпул, Мохамед Салах и Садио Мане. Парите кои се планирани за доаѓањето на Мбапе, околу 350 милиони евра, иако тој всушност ќе пристапи како слободен агент, ќе бидат потрошени за двајцата напаѓачи на Ливерпул.
Засега не се открива премногу овој план, затоа што Реал Мадрид на 28 мај во Париз токму против Ливерпул ќе игра во финалето на Лигата на шампионите.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski