Македонија ЃП сака по подолг период да го врати пехарот од Купот во Ѓорче Петров. Можеби ја има и фаворитската улога на вечерашната пресметка против Силекс, со оглед дека е прволигаш, за разлика од кратовци кои иако се актуелни бранители на трофејот, оваа сезона ја минаа во второлигашка конкуренција.
„Лавовите“ вечерва (18 часот) ќе го предизвикаат Силекс во финалето на Купот на Националната арена „Тодор Проески“ во Скопје.
„Максимално го респектираме тимот на Силекс, кој е актуелен освојувач на Купот. Ги анализиравме, имаат одличен тим предводен од Горазд Михајлов на клупата. Мислам дека ние сосема заслужено сме во финалето, и ќе се обидеме да одиме до крајот и да го пренеме трофејот. Пехарот во Купот двапати го освоив како играч, се надевам на прв триумф и во улога на тренер“, вели Муарем Бајрами, тренерот на Македонија ЃП.
Капитенот Ермедин Адем најавува голема борба во денешното финале.
„Цела сезона се боревме за да дојдеме до финалето и да ја заокружиме сезоната со трофеј. Го респектираме Силекс, тоа е тим кој буквално се прошета низ Втората лига, и не е случајно во финалето. Но, ние сме подготвени и максимално мотивирани за да оствариме победа и да ги израдуваме нашите навивачи, а трофејот после долги години повторно да го донесеме во Ѓорче Петров“, изјави Ермедин Адем.
Финалниот натпревар се игра на Националната Арена „Тодор Проески“ вечерва со почеток од 18 часот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski