Рома подготви изненадување за своите навивачи. Сите кои нема да можат да заминат во Тирана на финалето на Конференциската лига на УЕФА, ќе можат да дојдат на „Олимпико“ и заеднички на голем видео-бим да го следат дуелот за европски трофеј во новоформираното натпреварување на УЕФА.
Фудбалерите на Рома и на Феенорд следната среда ќе играат за првиот пехар во Конференциската лига на УЕФА. Стадионот во Тирана сепак има капацитет од само 22.000 гледачи на трибините и најголем дел од римјаните нема да имаат можност во живо да го следат натпреварот на лице место.
