Аргентинскиот интернационалец Анхел ди Марија ова лето ќе го напушти ПСЖ, а кариерата најверојатно ќе ја продолжи во Серија А. Тој е многу блиску до договор со Јувентус. Доаѓа како слободен агент и треба да биде еден вид замена за Пауло Дибала кој заминува од Торино.
Ди Марија со еден потег на социјалните мрежи ги засили шпекулациите околу преселбата во Јувентус, откако стави „лајк“ на новиот дрес на „старата дама“.
Италијанските медиумите овој потег веднаш го поврзаа како знак дека Ди Марија ќе го носи дресот следната сезона и му се допаѓа дизајнот.
