Македонскиот репрезентативец Дарко Чурлинов имаше одлична сезона во дресот на Шалке каде играше како позајмен играч од Штутгарт. Тој по големиот успех со тимот од Гелзенкирхен кој се врати во германската елита, треба да се врати во Штутгарт со кој има постоечки договор.
Како што открива „Билд“, раководството на Штутгарт е подготвено да разговара за продажба на Чурлинов, а тука треба да влета Шалке, со оглед дека македонскиот офанзивец одигра одлична сезона.
Чурлинов постигна два гола и имаше пет асистенции во дресот на Шалке 04.
