Kапитенот Џорџо Кјелини на крајот од сезоната најверојатно ќе го напушти Јувентус. Договорот на искусниот стопер истекува, а засега нема најави за продолжување на соработката.
Кјелини на залезот од кариерата би сакал да се испроба во МЛС лигата на САД и сериозно размислува да замине преку Атлантикот.
Кјелини е играч на Јувентус од 2004 година, а за клубот играше и во Серија Б, до освојување на девет последовни титули во италијанската лига. За италијанската репрезентација одигра 116 натпревари и постигна осум гола.
