Силекс експресно се враќа во елитата, а има шанса и да го одбрани пехарот во Купот на Македонија. Кратовци денеска (16 часот) гостуваат во Битола и ќе играат против Пелистер на стадионот „Петар Милошевски“ со цел да изборат ново финале во најмасовното македонско фудбалско натпреварување. Знаат како се оди до крај и се освојува пехарот, тие се актуелни бранители на трофејот.
„Го почитуваме Пелистер без разлика каде се наоѓа на табелата. Овој натпревар е поинаков. Тие ќе се обидат да ја спасат сезоната, а со оглед на тоа што играат на домашен терен, ги прави и фаворити. Но, тоа е само на хартија. На теренот и ние се прашуваме, си имаме свои цели. Во одлична форма сме, сите ќе дадеме максимум и верувам дека Силекс ќе игра во финалето на Купот“, вели Благоја Спиркоски, кој во минатото го носеше дресот на Пелистер.
Пелистер од следната сезона ќе биде второлигаш, но, којзнае, можеби ќе оди по патот на Силекс. Да го освои пехарот во Купот на Македонија во истата сезона кога го загуби прволигашкиот статус.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski