Англискиот премиерлигаш Манчестер Сити ќе се обиде да го купи офанзивецот на Милан, Рафаел Леао, во летниот преоден рок. За него се интересира и ПСЖ, а Милан бара отштета од 70 милиони евра.
Пеп Гвардиола сака да го има Леао во тимот за следната сезона и да го спои со уште еден квалитетен напаѓач, Хари Кејн или Роберт Левандовски. Понудата за Леао е веќе подготвена.
Манчестер Сити е во неизвесна трка со Ливерпул за освојување на титулата во Премиер – лигата, а се пласира и во полуфиналето на Лигата на шампионите каде ќе се сретне со Реал Мадрид.
