Бошко Паповиќ е најновото засилување на екипата на Работнички, која без конкуренција е најактивен македонски прволигаш во текот на летниот преоден рок. Тренерот Александар Влахо и управата на клубот продолжуваат со засилување на играчкиот кадар, а со ангажманот на Паповиќ би требало дополнително да се засили нападот на повеќекратниот првак на Македонија.
Србинот Паповиќ е перспективен 22-годишен фудбалер, кој доаѓа од Војводина во Работнички како освежување за навалната линија на „романтичарите“.
Тој е второто засилување за „романтичарите“ што потпишува во текот на денешниот ден, откако претходно истото го стори и фудбалерот за врска на Беласица, Драган Стојков.
